Grøn smoothie

Ein kjølande og frisk grøn smoothie er godt når det er varmt og ein har lyst på litt lettare mat. Det finst også ferdige pakkar med grøn smoothie i frysedisken som ein kan bruke men det er billegare å lage blandinga sjølv. Ein kan for eksempel fryse ned alle ingrediensane minus vatnet i ein pose så er det enkelt å lage om ein har dårleg tid.

Ingrediensar til eit stort glas

3 kuber frosen spinat eller 3 nevar frisk spinat

1/2 banan i bitar

1/2 avokado

1 cm fersk ingefær i skiver

1 skive sitron utan skal eller litt sitronsaft

2 dl vatn

Ha alt i ein blender og køyr det til det er godt blanda. Ha i litt meir væske om det vert veldig tjukt.  Server med ein gong.

Alternativ

• Bananen kan sløyfast eller bytast ut med meir avokado.
• Fersk ingefær kan bytast ut med safta av ein halv lime eller 1/4 sitron.
• Bruk varmt vatn om spinaten er frosen sånn at den løyser seg lettare opp.
• Om ein brukar både frisk spinat og banan så ha oppi eit par isbitar.
• Om sitronen er økologisk kan ein ha det gule av skalet oppi også. Det kvite smakar veldig beiskt så det bør ein unngå å bruke.
• Byt ut vatn med juice. For eksempel eplejuice eller appelsinjuice.
• Bruk lime eller ein båt av appelsin eller mandarin i staden for sitron.
• Spinat kan bytast ut med grønkål eller andre milde variantar.
• Om ein ikkje har blender så kan ein bruke stavmiksar eller kjøkkenmaskin.
• For å få i litt protein kan ein ha i ei rå eggeplomme eller kollagenpulver.
• Ein kan ha i 1 ss frø for meir fylde. Sesamfrø, chiafrø eller linfrø fungerer fint.

Tips

• Frys ned banan i bitar så er det enkelt å ta opp dei bitane ein treng.
• Avokado kan også frysast ned i skiver. Det er praktisk om ein ikkje brukar opp ein heil avokado om gongen.